‍ Zoo siab tos koj tuaj saib peb ‍ ‍

SIVYIG TXOOV POV FWM ‍

Peb Hmoob Txoov Txheej Xeeb Pov Fwm SivYig kev neeb yaig plig yog ib txoj kab kev Roos Tub Roos Kis Xeeb Leej Xeeb Ntxwv sawv daws kom tsis txhob muaj kev tu siab tsis txhob muaj kev tu sau thiab kom muaj kev sib hlub sib hwm ua Kwv Tij Viv Ncaus mus ib txhiab ib txhis, Peb yuav tsis cais ib leeg ib tug twg thiab yuav pov fwm sawv daws ntawm sab Kev Ntsuj Plig Koob Hmoov rau ntawm Txoov Pov Fwm no.

1). Npoj SivYig
2). Cuab Yeej Twj Neeb
3). Kev Hu Plig
4). Neeb Yaig Kho Tub Kis
5). Qhia Tub Qhia Kis Thiab Mloog Niam Txiv Lus. [ Sij hawm 3pm - 5pm, Minnesota li sij hawm]
6). Tshoob Kos Kev Txij Nkawm
7). Cov Rooj Koob Tsheej Sib Ntsib
8). Lub Ntees Xa Plig Kev Nruam Sim
9). Teem Sij Hawm Rau Kev Pab
10). Thov Kev Pab Rau Kev Txom Nyem
11). Xav Pab Nyiaj ( Donation) Rau Koos Haum SivYig
12). Cov Txheej Txheem Tag Nrho

Niam Phauj SivYig

Lub website tseem kho nawb

Lub website tseem kho nawb

Leej Txiv SivYig

Saib Xyua Dej Num

Ua Tsaug Txiaj Ntsig

Cov Txheej Txeem Kev Pov Fwm Ua PDF

QHIA TXOG TUS KEV POV FWM

Kuv xav tso cia cov lus rau koj tau nyeem kom koj nkag siab thiab paub tias Peb “ Txoov Pov Fwm” los yog Peb koos haum Hmoob Txoov Pov Fwm yog ib txoj kev pov fwm tub pov fwm kis, yog ib txoj kev hlub cawm ntsug cawm plig thiab yog ib txoj kev sam koob sam hmoov rau tub rau kis xwb. Tsis muaj feem cuam tshuam txog rau sab kev kum xeeb coj teb tuav chaw, tsis cuam tshuam txog yuav ua nom ua tswv thiab tsis cuam tshuam txog kev lag kev luam nawb.

QHIA TXOG RAU KEV ZWM NPE

Zwm Npe Rau Kev Pov Fwm (SingUp) Tsis muaj fee ua membership

  • Qhov txawv ntawm kev zwm npe thiab tsis zwm ua Kwv Ua Tij Viv Ncaus rau ntawm Kev Pov Fwm no mas yog xw li no, yog hais tias koj thiab kuv peb zwm npe ua ke no ces peb yuav sib pab leg dej leg num thiab tuav dej tuav num rau tej koob tsheej xws li yog Kev Neeb Yaig Plig, Kev Txhoob Kos, Kev Ib Siab Ob Qig…………

  • Tab sis yog koj ho tsis zwm npe nrog peb ua ke no ce peb tsuas tuaj pab koj rau qhov kev Pov Fwm xwb.

  • Kev zwm tso npe ua Kwv Tij Viv Ncaus rau ntawm tus kev Txoov Pov Fwm no peb tsis muaj tus nqis zwm npe tso nyiaj ab tsis li ( No membership fee ), tsuas zwm npe kom peb paub sib pab xwb.

TXIV NTSUG TXIV PLIG

LEEJ TUB SIVYIG

SivYig Kev Neeb Yaig Kho Tub Kho Kis Kho Ntsug Kho Plig

Thaum peb tus kheej, lo yog peb tej Tub tej Kis ho muaj txiab muaj nkeeg, yog ho tshuaj saib yaig pom tau tias yog tim rau sab Ntsuj Plig, Nywj mob nywj nkeeg, thiab tsog tsuag no ces peb yuav tau ntoj neeb nthuav yaig kho thiab daws.

Yog vim li ntawv SivYig thiaj muaj txuj muaj ci los kho Tub kho Kis Pov Fwm Tub Pov Fwm Kis ntawm sab Ntsuj Plig kom peb tej mi nyuam yeej mob yeej nkeeg, lawv thiaj pom qab pom kev yuav ua ib lub neej kom xyom hauj xyom seem.

SivYig los ua lub neej, ua Niam ua Txiv ua Pog ua Yawg yog los cawm Tub kho Kis kom plam Kev mob kev nkeeg, kom plam kev plaub kev ntsug ntawm sab Ntsuj Plig, SivYig yuav los kho Tub Kho Kis kom paub sib hlub sib hwm ua Kwv Tij Viv Ncaus mus ib txhiab ib txis kom tej Tub tej Kis “Ua lub neej nyob sib hlub sawv sib nreg koom sib txawb tsis txhob nqus nrim cais pab cais pawg Peb kev neej kev tsav, Kev kwv kev tij thiaj nyob mus tsis tag tsis kawg”.